ସଚରାଚର ଜଗତ The Whole World Poem by Gajanan Mishra

ପରମହିତ
ଗଜାନନ ମିଶ୍ର

ତୁମେ କହିଲ କଣ
ଆଉ ମୁଁ ବୁଝିଲି କଣ!
ତୁମ କହିବାଟା ଆଉ
ମୋ ବୁଝିବାଟା
ସମାନ ହେଉ ନି ତ!
ସମାନ ହେବ, ଏମିତି
ଅବଶ୍ୟ ନ ଥିଲା ଚୁକ୍ତି!
ଆସିଲ ତୁମେ ଆଉ
ଆସିଲି ମୁଁ ବି
ଯଦିଓ ରହିବାରେ
ତାଳମେଳ ନ ଥିଲା
ଆମଠି ଏଠାରେ।
ଏ କ୍ଷେତ୍ର ନା ତୁମର
ନା ମୋର ତଥାପି
ଏ କ୍ଷେତ୍ରକୁ ଆଲୁଅରେ
ଐଶ୍ୱର୍ଯ୍ୟରେ ଭରି ଦେବାକୁ
ଆମେ ବ୍ୟଗ୍ର
କାହିଁକି ନା ଆମେସବୁ
ଏ କ୍ଷେତ୍ରର।
ଏଠି ଆମେ ଏବେ
ଏକତ୍ରୀତ ପାଇବାକୁ
ଅମୃତ, ସାଧିବାକୁ
ପରମହିତ, ଯୋଉଥିରେ
ହେବ ଧନ୍ୟ
ସଚରାଚର ଜଗତ।

ତପୋବନ, ଟିଟିଲାଗଡ, ବଲାଙ୍ଗୀର
06/04/2020