ସତ୍ୟ ଆଉ ନ୍ୟାୟ Truth And Justice Poem by Gajanan Mishra

ଦୁଃଖ
ଗଜାନନ ମିଶ୍ର

ମୋର ଅନୁଭବ
ଆଉ ଅନୁଭୂତି,
ସତ୍ୟ ଆଉ ନ୍ୟାୟ
ସବୁକୁ ଫେଣ୍ଟି
ବଂଚୁଛି ପ୍ରତ୍ୟହ
ଭେଟିବାକୁ ନୂଆ
ସୂର୍ଯ୍ୟୋଦୟ।
ତୁମ ସ୍ୱାର୍ଥକୁ ଜଗି
କେବେ ମୋ ପାଖକୁ
ତ ଆଉ କେବେ
ମୋଠୁ ହେଉଛ ଦୂର।
ଜାଣେ ମୁଁ ଇଏ
ସବୁ ସବୁ ଖେଳ
ନିଆଁ ଆଉ ପାଣିର।
କେତେ ହସ
କେତେ ପ୍ରେମ
କେତେ ନାଚଗୀତ
ଆଉ କେତେ ସୂର୍ଯ୍ୟାସ୍ତ
ସବୁକୁ କରି ଗଣ୍ଠି ଧନ
ଚାଲିଛି ମୋ ଯାତ୍ରା
ଦେଖ ଅବିରତ।
କିଏ ଆସୁଛି
କିଏ ଯାଉଛି
କିଏ ରହୁଛି
କିଏ କଣ ଦେଉଛି କି
ନେଉଛି ନାହିଁ ହିସାବ।
ମୁଁ ମୋର ବେପରବାୟ।
ଆଉ ନାହିଁ ମୋର
ଆୟବ୍ୟୟ ।
ଦୁଃଖ ଏତକ
ବିଲୁଆକୁ ଭାବିଥିଲି
ସିଂହ।

ତପୋବନ, ଟିଟିଲାଗଡ, ବଲାଙ୍ଗିର
19/11/2019