Ukube Ngakwanga Poem by Sizwe A Zungu

Ukube ngakwanga mtanomuntu,
Ngabe ngaluzwa luheleza uxolo lwakho
Ukube ngakumukelisa uthando, nje
Ngangizovum' usingise kweLamathongo
Lapho wawuyofik' ucij' inhliziyo yakho ngolwaphakade,
Lapho kwakuyobe sekuphelil' ukuzenzisa kwesikhashana.
Ukube ngakutshela mtanomuntu,
Ukuthi sengabhalisa wen' enhliziyweni yami,
Khathisimbe wawuyofulathel' usuxolile, Xolile.
Sengasala nenhliziy' edazuluka isililo
Ibal' incind' imincishanja dengwane
Ibal' ibuz' ithandabuza, ngemibuzo.
Ithi ukube yazindlala phans' izinhlupheko
Mhlawumbe ngabe yathokoza nawe usenganeno!