ନାମରେ କି କାମ What Is There In Name Poem by Gajanan Mishra

1

ତଥାପି କହୁଛି
ମୋ ନାଁ ଦାମ
କରିକି ଦେଖେଇଦେବି
କହୁଛି ଯେତେ କାମ!

କହୁଛି ଆରେ
ରହ ଟିକେ।
ଏ ଲୋକେ ବୁଝିବେ କଣ?
ମେଣ୍ଢା ପରି ଡେଇଁବେ
ଥାଉ ଖାଲ କି ପଥର
ଅପେକ୍ଷାରେ ଥାଉ ପଛେ ଯମ!

ଆରେ ହେ
ୟେ ଶବ୍ଦସବୁ ଆସୁଛି ସେଆଡୁ,
ସେଆଡେ ଅଛି ପରା
ସତ୍ୟର ତପୋବନ!

2

କୋଉ ଦାମରେ ଏଇଟା?
ଗୋଟେ ଦାମକୁ ଜାଣିଥିଲି
ପଢୁଥିଲା ମୋ ସାଙ୍ଗରେ
ଆମ ଗାଁ ଇସକୁଲରେ।
ଗୋଟେ ସ୍ତ୍ରୀ ବାହା ହୋଇଥିଲା
ଆଣି ରଖିଲା ଆଉ ଗୋଟେ ସ୍ତ୍ରୀ ।

ଆଉ ଗୋଟେ ଦାମ
କାମ କରୁଥିଲା ମୋ ଅଫିସରେ
ମିଛର ଭଣ୍ଡାର ଥିଲା
ପାଖରେ ତାହାର ସବୁବେଳେ।

ଆଉ ଗୋଟେ ଦାମ
ଥିଲା ଗୋପରେ।
କହି ପାରିବ କିଏ ସେଇ କଥା
ଶବଦ ନାଇଁ ଏଠାରେ ।

3

ଦାମଫାମ ନାମ ଯାଉ ସେଆଡେ
ଏବେ ଏଆଡେ ବହୁତ ପଡିଛି
କରିବାକୁ କେତେ କାମ।

ତପୋବନ, ଟିଟିଲାଗଡ, ବଲାଙ୍ଗିର
18/9/2019