ବିନା ସର୍ତରେwithout Any Condition Poem by Gajanan Mishra

ବିନା ସର୍ତରେ
ଗଜାନନ ମିଶ୍ର

ମଂଜୁର ନୁହେଁ
କୌଣସି ସର୍ତ।

ତୋର ତୁ
ନେବୁ ତ ନେଇ ଯା
ଯାହା ଯେତେ ଯଦି ଦେଇଛୁ।
ନେବୁ ତ ନେଇ ଯା
ମୋଠି ଅଛି ଯାହା
ଦେଖି ଶୁଣି ଜାଣି
ଯଦି ନ ସହି ପାରୁଛୁ।

ମଂଜୁର ନୁହେଁ
ତୋର କୌଣସି ସର୍ତ।

ଛାଡି ଦେ
ମତେ ମୋଠି।
ମୁଁ ମୋର ଯାଏଁ
ପାହାଡ ପବନ ଡେଇଁ
ଆକାଶ ସମୁଦ୍ର ଲଂଘି
ମୋରି ଭିତରକୁ ଆହୁରି।

ମଂଜୁର ନୁହେଁ
କୌଣସି ସର୍ତ।

ଚିହ୍ନି ସାରିଛି ଏଠି
ଭ୍ରମରକୁ ଆଉ
ଫୁଲକୁ ବି।
କହି ସାରିଛି, ଆଉ
ମୋର କୁହା
କାହାକୁ ଛୁଇଁଛି କେମିତି
ଅନୁମାନ ସାରିଛି କରି।

ଥା, ଥା ତୁ ତୋର,
ମତେ ମୋର ଦେ ଯିବାକୁ
ମୋଠୁ ବାହାରକୁ,
ବିନା ସର୍ତରେ।
ସବୁ ସର୍ତ୍ତ
ମୋର ମୋ ନିଜକୁ।

ତପୋବନ, ଟିଟିଲାଗଡ, ବଲାଙ୍ଗୀର, ଓଡିଶା।
9437366644