ଭାଷା ନାହିଁ
ଗଜାନନ ମିଶ୍ର
ବିନା ପରୀକ୍ଷାରେ
କହୁ ନି କିଛି,
କହିବା କଥା ନୁହଁ ବି।
ଦୀର୍ଘ ତିରିଶ ପଇଁତିରିଶ
ବର୍ଷର ସିଧାସଳଖ ଅନୁଭୂତି,
ଆଉ ତାଠୁ ଆହୁରି ଅଧିକ
ତୁମ ଇତିହାସର ବିସ୍ତୃତି,
ସବୁକୁ ଆଗରେ ରଖି
ପରଖି କହୁଛି
ତୁମ ଭଳି ବଦମାସକୁ
ଆଉ ନ ରଖୁ ଏ ପୃଥିବୀ।
କଂସଠୁ ଆହୁରି ଭୟଙ୍କର ତୁମେ,
ରାବଣଠୁ ଆହୁରି ଗର୍ବୀ ତୁମେ,
ଆଉ ମାନୀରେ ଦୁର୍ଯ୍ଯୋଧନଠୁ ବଳି।
ତୁମେ କଣ ମଣିଷ?
ନିଜକୁ ନିଜେ କରୁଛ କିଆଁ ଶେଷ!
ତୁମ ଗନ୍ତାଘରେ ଭର୍ତି ଖାଲି
ରହସ୍ୟ ଆଉ ରହସ୍ୟ।
କେତେଟା ମୁଣ୍ଡ, କେତେଟା ଗୋଡ,
କେତେଟା ହାତ ତୁମର ହେଉ ନି ଗଣି।
ଡାକିବି କଣ ବୋଲି, ମୋଠି ସତରେ
ଆଉ କୌଣସି ଭାଷା ନାହିଁ।
ତପୋବନ, ଟିଟିଲାଗଡ, ବଲାଙ୍ଗିର,
ଓଡିଶା, ଭାରତ।
ଭ୍ରାମ୍ୟଭାଷ- 9437366644
This poem has not been translated into any other language yet.
I would like to translate this poem
ତୁମେ କଣ ମଣିଷ? ନିଜକୁ ନିଜେ କରୁଛ କିଆଁ ଶେଷ! Insightful piece of work........10