ଭୁଲଠିକ୍Wrong Right Poem by Gajanan Mishra

ନେପକିନ
ଗଜାନନ ମିଶ୍ର

ଭେଦ ମୁଦ୍ରା
ଦେଖିବାର ନାଇଁ
କି ଦେଖାଇବାର ନାଇଁ।

ଆଲୋଚନାରେ
ଭାଗ ନ ନେଇ
କହି ପାରିବି ନାଇଁ
କେତେ ମାତ୍ରାରେ
ମୁଁ ଆମୋଦିତ
ଆଉ ତୁମେ
କେତେ ସନ୍ତାପିତ।

ମୋର ଆଉ
ତୁମର, କହୁ କହୁ
ମୁଁ ରକ୍ତାକ୍ତ ।
ଆଉ ରକ୍ତକୁ ନେଇ
ଏ ଯେତେ ଖେଳ
ରକ୍ତଖିଆଙ୍କର।

ଭାଗ ନେବାର ନାଇଁ ମୋର,
ପାରୁ ନି ବି ଚୁପ୍ ରହି,
ଡରୁ ନି ବି କନ୍ଦଳ।

ଯିଏ ଯାହା କହ,
ଯିଏ ଯାହା କର,

ଦେଖିଲେ କି
ଶୁଣିଲେ ଯଦି
ସହି ପାରୁନ
ସେଥିକି ଆବଶ୍ୟକ
କି ଔଷଧ!

ନିଜକୁ ପଚାରି ବୁଝ,
ଜଣା ପଡିଯିବ
ଭୁଲଠିକ୍
କୋଉଠି ଆଉ କାହାର।

କିଏ ତୁମେ?
ତୁମେ କଣ
ସଂସାରଠୁ ବାହାର!

ତପୋବନ, ଟିଟିଲାଗଡ, ବଲାଙ୍ଗିର
25/10/2018