ମୋର ରକତଥି ତମେ ବଁଚୁଛ, You Are There On My Blood Poem by Gajanan Mishra

ଗାଲୁ ସରକାର,
ତମକେ ମୋର ନାଇଁ ଦରକାର।
ଭାଗ, ଯ,
ଯାହାର ଭାଷା କହୁଛ
ହେତାରନିକେ ଯ।

ଗାଲୁ ସରକାର,
ମୋର ଦେ ଦେବତାର ପାସକେ
ମୁଇଁ ଯିମି ଯେ, ମତେ ପିଟବ
ମାରବ ମୋର ଖାଇକରି,
ଭାଗ, ଯ।

ଗାଲୁ ସରକାର,
ମୋର ରକତଥି
ତମେ ବଁଚୁଛ,
କେନ୍ତା ମତେ
ହଟ ରେ ବଲୁଛ!

ଗାଲୁ ସରକାର,
ମୁଇଁ ନେଇଁସେ
ତୁମର ଚାକର,
ମୋର କବାର କରବାରକାଜେ
ଅଛ ତୁମେ
ଫୁଟାନି ନେଇଁ ମାର।
ଗେରମେଟେଇ ଗଦେଇ ହେବ
ଦିଶବା ସବୁ ଅଁଧାର।

ଗାଲୁ ସରକାର,
ବଁଚବାର ବାଟ
ଆରୁ କାହିଁ ପାଏବ?
ନିମକହାରାମ ମାନକର
କପାଲେ ଆରୁ କାଣା
ଥିତା ଯେ ପାପଲି ହେବ!

ଗାଲୁ ସରକାର,
ଯ ଭାଗ, ଦୁସରା ସରକାର
ଗଢମୁ ଆମେ ଆମର ହିସାବେ,
ଖୁଜଲେ ଭି
ନେଇଁ ମିଲେ ତୁମକେ ଆରୁ ଠାବ।