फुंबिलि Poem by Ronjoy Brahma

आंनि उन्दुनायखौ थाबैनो फोजानानै
दाउसिन दाउलाफोरा आंखौ लेँहरो
हास्लाबा हास्लाबा मैखि लानानैबो
आंदि लोगो हमनो फैबाय
जोँमानि आलायारण फुंआव
-
फै गोबाफैदो गोबाफैदो सना होन्नानै
सुदेम सुदेम नैबे बुब्लियाव
ओँखारबोयो आं लोगो हमनो
मिनिसुलु मोखांजोँ मोखाङै
-
दुब्रिमोना आंखौ सोङो
मिनिजि मिनिजि रायदावो बिसोर
दाउसिन एम्फौफ्राबो नायहरो
-
बिसोर थाथोँ जोँनि सेरावनो
अराय देँखो बोयै बोयैनो
जोँनि अनलायनायखौ नायनानै
-
गोबाफै सना फुंबिलि
सुदेम अन्नायखौ होनानै
आय' फुंबिलि फैगोनखौ नङा
थांनायखौबो थांनो होदो
-
बे समाव नोङो अन्नायखौल' हो
नोँ आंनि आं नोँनि होन्नानै
बिखायाव आंखौ बोजबना लानानै।