लामब्र आरो आं Poem by Ronjoy Brahma

जुंगाल गारनानै लानजाय फेख्रायदोँ
हाजासे गं फिस्रि फिस्रि
म आरो म हग'दोँ
-
थोरसि गेग्रेब संख्रि एसे
बुरखाय बुरखाय होसोदोँ
गाबहां माहां जानानै
-
दलबसे मानि आलि एरखुदोँ
आरोबाव दहमगासे खारदोँ
खासि जग्रबसेखौ एरला हैदोँ
थामब्रे बेरे जथाया जोदोँ
-
खुरनो रोङाखै सहायनो हायै
आरोबाव फेख्रायसिनदोँ
होसोयो आरो होसोयो आं
मोना मोना होसोबाबो
-
खारदोँ दहमगासे फिन गांसो अरज्रिददोँ
बुगबनि खोथिया गाग्लिदोँ
दिउ दिउ रायजागुलायदोँ
लावथिजोँ खुबैख्रुब जादोँ लामब्रआ
अनथाव बाथाव सिबाया...!