जोँ उन्दै उन्दैमोन Poem by Ronjoy Brahma

जेरबा थोरोबनाय
मेगन नाङै आलो जाम्फैयाव
थालिर गायब्ला
साम'मोनहा फोर्ला-फोर्था गिनानै खारोमोन
खांख्राइमोनहाबो दर्जा खाथेथारोमोन
-
हान्थु थोरोबनाय आफाङाव
नोङो गोसोआव दङना
आङो लेवरा बेल्थायनायखौ?
गोदोना खेँख्रा जालायाखैमोन नङाना?
-
आमोखायाथ'-
खुम बिफांनिफ्राइ ज्रुम बाज्रुमब्ला
उदैया थामज्रेँ गोजा गोजा जालायदोँमोन नङा?
-
जिउनि मिजिँ होसो होसो
नोँसोर बावबाय नङाना?
उन्दै समनि आलो जाम्फैखौ?
सानफामानि बादुंगा गेलेलायनायखौ
-
जायनो जेनो
आमोखि फाग्लिखौ आरो
जायनो देरहायो
आमोखि गावदांखौ होनलायनाया
-
नोँसोर माब्रै दं?
बावजोब्बाय नङा?
मानोना आलो जाम्फैयाथ' दाना
आफा थाला उर्खाउनोल'सो दंसै
-
साम' खांख्राइ नाथुरमोनहा
बहाबा खारलांजोब्बायनो
आरो बाला-अन्थाइमोनहाबो
हागुं माहाजोननि
माबा आरसिसि बिल्दिँ सिङावसो....।