जेरावबो नोँनि मिनिसुलु
मिनिनाय
जेरावबो नोँनि रैसुमै
रोजाबनाय
आं नुयो आरो खोनायो
-
नोँनि थाखाय आंनि मोजां मोन्नाय
अमर जाना थाथोँ थाथोँ
जेब्लाबो-
अमृतनि अबं इसोर होन्नाय
जेसेबां जिबिजोँ फुजि जायो
-
नोँनि थाखाय बावनो हागौ
नायनो मोजां रावनिखौ
रैरुब गोरबोनि अनसुलि
रुम्बां बां जुलियेटखौ
बावनो हागौ सना आं
सोर्गोनि मेन'का उर्बुसिमोनखौ
-
अब्लाबो आं बावनो हाया
आंनि आंनि होन्ना बुंनो
नोँ आंनि आं नोँनि
जिउ जिउ लोगो होन्नो
नोँखौ अरायनि थाखाय
-
आं जेराव नोँबो बेवहायनो
नोँनि मिनिसुलु मिनिनाय
गैयाब्लाबो
नोँनि देँखो रोजाबनाय
-
बेखायनोथ' मोजां मोनो आं
नाथाय-
मानसिफोरा आंखौ मेगन सायो
बेखायनो आं लहा
अब्लाबो-
आं बावनो हागोन बेखौ
नोँ सना आं लहा।
This poem has not been translated into any other language yet.
I would like to translate this poem