बिग्रायारि आबादारि आं Poem by Ronjoy Brahma

आं बिग्रायनांगौनि थाखायनो बिग्रायगोन
बिसोरनि सोबख'नायनि हेँथायै
इनाय अन्नाय गैयैनि हेँथायै
आं बिग्रायारि बिग्रायगोन
-
दुलाराय मुलुगनि आगान संनानै
अहिंसानि लामाजोँ
जेरैबादि बिरदावनो हायो
उदां उदांस्रिनि अख्रांआव
-
मेसेँ दैज्लांनि दुब्लियाव
आं आबाद खालामो
आबादारि आं मुलुग सोरजिनि
मेँनाय गैयै बोथोरनि उनाव बोथोर
-
लान्थिया जानाय मुगानि
मेंरोङै आबादारिनि सोलेरा
मेंङै मेंङै मेंब्लाबो मेँङा
सोमावसारगिरि आं सुबुं समाजनि
-
अन्नाय गैयै अन्थाइ बिखा
दैमाया खुरखायो हा
दन्दराव गावसिनि खुसिजोँ
दुलाराय समाजखौ बावगारनाय
फालोसे सखाया खहा खालामो आबाद
-
नांगोलनि आन्थोर आन्थोर
नांगोल सिड़ाजोँ
आं नागिरो आबादनि गोगो बेसेन
बेगर जोलै फोयै फोयै
-
आं आबादखौ दिहुनो
थांना थानो
आं आबादखौ खालामो
दुलाराय मुलुगनि महर बोनो
-
आं आरो आर'ज गाबगोन
अखा हास्थायनानै
बार हास्थायनानै
सान्दुं हास्थायनानै
-
आं आरो आर'ज गाबगोन
आबादनि थाखाय
सुबुं समाजनि थाखाय
मुलुग मिथिँगानि थाखाय
गोजोन आरो गोजोनै थांनानै थानो
दंनाय मुलुगाव समायना आबादनि थाखाय।