फुष दानआ थांनो दंबावो सानबेसे Poem by Ronjoy Brahma

खुवामि फुष दानआ थांनाय लोगो लोगो
मागोआ फैयो
खामनि सोदोबा रिँखाङो
फुष दानआ थांनो दंबावो सानबेसे?
-
दमासिनि लांगोना लांगोना
बन्थनि अराव उसु-खुथु जोङो
सान्दोँ आसि सानै सानै
माब्ला उरायलांगोन सान्नैसो सान?
-
सिमलि बिफांआव थमेनदोँ बिबार
ग्रिद ग्रिद बारग्लांगोन थमेन थमेन
बारजोँ मोसागोन गदायनि बेसर बिबार
उवाल गायहेननि बाज्लनाय खोनायाब्ला
दमासि नोँ दाफै
-
रोजाबगोन जोँ संख्रान्थिनि मेथाइ
मायसालि जिगाबनि बेलागुर सावनानै
दमासि दमासि जेब्ला जायो
हर थौहाब थौहाब मोसायो
सेफालि बारग्लांनायनि समहै
-
मागो-दमासिनि मिनिसुलु गोरबो
दसेनो ज्राम ज्राम सान्दुं
जागोन अखा दोमैलु दोमैलु
अनजालिनि सिलायाव अनजालुनि आगान
-
बर'नि गामियाव फिथा सिथावनि मोदोमनाय
सा खोला सानजा सोनाब
गेवलांगोन बोराय बेन्थनि मिनिसुलु गुसुथि
-
लेवा बेन्दोँनि थमेन्नाय बिजौ
दा-लाबोथार अमासि
देग्लाय मागोआव हांमा सुनाय
गुमायलुं बयनिबो फर्दायाव।