सानसेखालि नोँ बुंदोँमोन-
आंखौ गोबाना हिमालयनि बर'पखौ अराव होगोन
मुला बेसरनि गोमो बिबारजोँ आंखौ बरायगोन
~
बोरो दमासिया दंबावोसो होम्बा?
नेयै नेयै मेगन मोदैसो जालायलांबाय
बिलाइ सिरि सिरि
बिफां फोरासो लांथिया जालायलांबाय
~
गोजांस्रि-
नोँनि गुसुथिया गुसुमार
नोँ बेखायनो फिन्नायखौ होआ
गोरबोखौ सान्दुंआव फोरान फोरान
दिनैबो दुंखां होनो हामाराखिसैसो
~
गोजांस्रि-
नोँनि बिखायाव आं बेसे एब्रेनो?
सुहाब सुहाब मिजौखांबायसो गोसोआ
बेसे हान्थिनो सिमांनि संसार
जांख्रि जांख्रि बिफांनि बिलाइ फिस्रिथारबाय नोँ
~
गोजांस्रि-
गोरबो गोरान नाङा गोदै नोङो
मिथिखागौ आं मागोनि लंथं बिफांआव
दाउ खौऔआ गाबफैखानाय नङा
~
गोजांस्रि-
संख्रान्थिनि दोमोगासे बेलागुराव
नोँखौ आहुति होनाय जागोन
सानस्रि जायै नोँनि गोरबोआव
मिजौनाय सोलेर लानानै आं बेसे रंजानो?
This poem has not been translated into any other language yet.
I would like to translate this poem