दमासि/मोनसे अमासि Poem by Ronjoy Brahma

आं जाम्बासोमोन
खुथार खुथार दमासिखौ हांख्राइ बायनाया
बियो गमा
फैमारदोँ अप्रिनि देलाइनायजोँ
फिथा सिथावनि मोदोमनाय गाथेनानै
-
हरथौबाय
गस्ला गैयै लांथिया
दाबो गामि गिदिँदोँ रांख्रेब देहानि
मोसासुलि जखायसे बोजोँनि
-
सैमा रोनावनाय
पुषनि थालांनाय गुसु
लेलाय लेलाय हब्रादोँ
आन्दायनाय सोरबा जौसाइ
औवा गयबारि सांग्रेमा बायसा
-
जौमोन-
मानसि महरनि जुनार
जौसायनि फाव खालामनानै
लाइमोन सिख्लानि दर जोदोँ हर गेजेर
नांगौ थखनजोँ बुजागौमोन
-
दिनै जुदि दमासि नङामोन!
-
नांलाय खमलाय थैहां जानाय
दाबखा थालानि गुनजेर अरदोँ
दमासि
नोँ लाबोबाय अमासि!
-
बेलागुर सावना रंजानाय
लावखार ओँखामजोँ बरायनाय
दाउखा नुसै नुसै दुगैनाय
-
गोदोनि रंजानाय बहा थांखो?
दमासि-
अप्रि बेदरनि मोदोमनाय देलाइनायजोँ
नोँ फैयैयानो गाहामसै!