रन जिन्दाबाद Poem by Ronjoy Brahma

होंगो दोंगो सान हर स्लगान
दाउलुर दाउसिननि स्लगान
अखोरां हाथर्खिनि स्लगान
बिफां बेन्दोंनि स्लगान
स्लगान रायजो राजाफोरनि
~
आरो बेसेबां खोनासंनो?
निहोरनि थुलुंगा
दैमा लैथोनि थुलुंगा
मुलुग मिथिंगानि थुलुंगा
~
थांना थानायानो थांना थानाय नङा
दुखु हांमाखौ बोजबनो हायाब्ला
बिनि सानखान्थिखौ आं बेसेबां दिहुननो?
~
सैमा खाल फेसामोनहा
आंनो जिउखौ दाजाबदेरबावबाय
रिनदाव रिनदाव गाबनाबो
नाथाय दानख'फिननो हाया आं
सोर्जिगिरिनाव आर'जलाइ होनानै
~
गसाइ!
नों आंनो सोर्गो होदो
नोंनि आथिं सोलाग्रा
नोंनि खर' बिलिरग्रा
नोंनि बान्दा जासिगोन आं! !