सेरफाल्ला अन्थाइजोँ
लेरलेर थिखोनो हायै
खौखाब सुंथादोँ अमा खासिया
गावनि बोहैथि सानजावलिजोँ
-
दाहाया जोबाखै
बारि खनानि थालिर आथियाहाबो
मिनिनाय गैयै गंस्रि बियो
-
थार्ला गोदोनि रंजानाय
बहाबा थाखोमा थारबाय
गोसोखांनो हाख'वा-
मोनसे दुखुजोँ नारसोम जानानै
-
बैराथिया ललिगोन
रायजोफ्रा जै होगोन
बयबो मोसागोन मेथाइजोँ बेमफाटिजोँ
अखाजोँ बांखाजोँब्लाबो
-
थालिर बिफांआ सान्दोँ-
देग्लायनो सोमला आदानि जुलिया
आय' नायगार नायगार
दालाइ बिलाइ थाख्लायगोन
-
खौखाब सुंथानानै
गोसोआव आरोबाव
अमा खासियाबा मा सान्दोँथाय-
This poem has not been translated into any other language yet.
I would like to translate this poem