आं बोराबाखै Poem by Ronjoy Brahma

जाबसिन जाबसिन
नोँनि गुरै गोरबोआव
आं आंनि गोरबोखौ जाबसिनदोँब्लाबो
आं आंनो बोखारफिनबाय
-
दाजाब दानख' मानोना-
दिनै आं मिथिबाय
नोँनो होब्ला आंनो गैमारा
-
नाथाय नोँबो गोसोआव ला
उदां उदां आं उदां होननानै
गान्दौला बायदि बिरदाव नाङा नोँ
-
जेरैबो खान्थाल आथा
उदां अख्रांआव दं थायो
बेमा माख्रानि जे
-
दिनै बिरदाव नाङा नोँ
सुन्दाउरि हर दावबाय नाङा
सोरां सोरां जेरैबो सोरां
बेबादि होननानैबो
उरां फारां मोसाग्लांबाय नाङा
-
मानोना हर आरो सान
सान आरो हर
हर हर सान सान
नोँनि मोखां लांगोनाजोँनो थाङो-
-
आं नोँनो बुंबाय
बुंबाय बुंबाय होननानैनो
गोसो जलंगायाव सोना सानोङो
-
आं बोराबाखै-
बोराबाखै आं बेबादिनो
जेरैबो खारखोमानो हायै
बिरलांनो हायै नोजोर आंनिबो।