थैथारबायमोन आं Poem by Ronjoy Brahma

हा दै अर बार
जानाय-लोँनाय
उन्दुनाय आरो थांलाय-फैलाय
जेनिबो आंखाल गैयाब्लाबो-
-
सानखौ सान होन्नानै
हरखौ हर होन्नानै
सिनायनो रोङामोन आं
सिनायनो रोङामोन-
लाथिख'नि फिसा लाथिख'खौ
-
थामहिनबा
आं आं होनब्लाबो
आंखौनो आं सिनायामोन
थैथारबायमोन आं
-
गाग्लिजादोँ
बोद्रुजाबाय
मस्रायै मस्रायै बुथारजानानैबो
आंनि गोदान जोनोम
-
दा बेखायनो अखा खोरोमनाय
आंखाल गैयैफोरनिबो
बाना जादोँ
जेरै- बांग्रिँ दैबाना खरान
-
अखा मोफ्लामदोँ
आरो गोरान बारहुंखा
बांद्राय सिमां नुब्लाबो
एमाव मोस्रोमा अरमारोलै
-
जिउखौ मा होननो?
आद्रि आद्रि
जिबौ फिथिगममोना
गोसो जाबानो ग्लब मन'यो