बैफोर नोँजोँ आंजोँनि
सान गाग'लांनाय बुब्लिफोरखौ
मोनफा मोनफा सिमां मोनो
सिमां गेजेरावबो
-
फुंनि जाहाब सानजोँ
निहोरनि मोदैफोरनि
मोदैफोरबादि समायनाखौ
आं मोजां मोननाय मिनिनाय
-
जोमैनिफ्राय जोमै
जोँ गेलेलायदोँमोन गोरबोजोँ गोरबो
सम सम अखा मोफ्लामनाय
अखा खोरोमनाय बायदिफोरमोन
-
मोकथांखोर मिथिँगानि
सोमखोर गोरबोनिफ्राय
समायनासिन बारखौबो
आं खावनानै लाबोदोँमोन खेबसे
-
सोदोब मोनथाव
दैसानि खबामनि गोदैसिन
गोजोन दैमायाव
साम'नि रमान्टिक हाबिलास
-
सिमांनिफ्राय लाबोबाय आं
बेसेबा मुहिनां गोरोबलायनाय
आं रनसायबाय गोरबो
नोँनि खुसिसिन गोरबोनिफ्राय
-
दिनै आंनि गोसोबादिनो
आंनि गोरबोखौ
मिनिहोयो सोगाबो
मुगा मोनब्रै गिदिङो
-
बेसेबा उदांसै आं
आंनि मोनसे गोरबोनिफ्रायनो
नोँनि गोसोनिफ्रायबो
बेसेबा उदांसै आं-
This poem has not been translated into any other language yet.
I would like to translate this poem