सिख्रि सिख्ला: जाम्बा असुरा आरोबाव मोसा Poem by Ronjoy Brahma

अरनजोँ एंगार जानानै बियो
जोबोद दुखु जानायसै,
आरोबाव जखायसे सान आरो हर
जाम्बा मोदायखौ आर'ज खालामनायसै बियो।
आं मोसा जानो, आं मोसा जानो होन्नानै
आर'ज खालामनायाव जाम्बा मोदायाबो होनबा,
बिखौ मोसा खालाम गारनायसै
बिनि उनाव स्रोब थांनायसै मोसाया।
मोसा जानानै अब्ला जाम्बा असुरा
अरननि जुनारफोरखौ होसोनायसै,
बिसोरखौ अरथारनायसै बेबादिनो बियो
आरो मोनसे समाव सिगुण अरनाव थांनायसै बियो।
बेयावबो बियो सिलिँखार नोजोरजोँ
इनायै अदखार खालामनो हमबाय,
सानसेखालि फिसा अरनाव थेन्थौना थानाय
रायखसनि हानजाखौ लोगो मोन्नासै।
बियो ओरैबादि रागाजोँ रायखसफोरखौ गाग्लोबनायसैदि
रायखसफोरा बिजोँ गिलुबालु दावहा होनायसै,
खायसे गिख' रायखसफोरा गिनानै
दाउखा जानानै बिरलांनायसै।
खायसे सौदाव सौसि खिबुआव खिलानानै खारासै
रायखसफोरा मोसाखौ नारानाथा हमख्रबनो नाजाब्लाबो,
रोजासे रायखसखौ मोसाया हार्सिँनो अरथारनायसै।
रायखसफोरनि बेबादिनो गोथै सहआ
मोनसे दाखोरनि दामोल जानायसै,
बिसोरनि बिखा आरो गोदोनाजोँ बोहैनाय थैया
मोनसे दैसानि महर लानायसै।
मोनसे गोजा बिलोनि महर लानो हमबाय
रायखसफोरनि जिउआ लेवार बेद्लावनि,
गिथाव महर लानानै रंजाखांनायसै
बिसोर गोमोथाव गोदोना सोमावनो हमबाय।
मोसाया रायखसखौ फेजेननो हानानै
जोबोद खुसि जानायसै बियो,
आरोबाव जोबोद दुगासिन जानायसै बियो
सिगुण अरनाव आरोबाव गिदिँनायसै।
दै गांनानै बियो उनाव
समायनाजोँ बुंफबनाय थाख्लाय दैसायाव सहैनायसै,
बिनि उनाव गांगाजासे लोँनानै
आरोबाव अरनाव गिदिँबायनो हमासै।