हामगौमोन हामगौमोन सानो आं Poem by Ronjoy Brahma

जेब्ला आं किंग कंगनि सावथुन नायो
अब्ला किंग कंगनि राजा जानो लुबैयो आं
जिबौ हमग्रा जानो लुबैयो
डिसकभेरीनि चेनेल नायोब्ला

सिख्रि सिख्लाफोरनि सावथुन नायोब्ला
राजखुंगुर जानो लुबैयो परी लेण्डनि
आं जायखौ जोबोद जोसो थोखोमायो
आजां-गाजां बिनि बयप्रेण्ड जानो लुबैयो आं

नाथाय सानो आवबा
आवबा जाबायथायो दिनैबो गाबोनबो
सक्तिमान जानो सानो जानो हाया
सुपारमेन जानो हाया

लैथो जानो सानो
जानो हाया साननायमानि
अखोरांखौ नायहरोब्ला हाथर्खि एबा अखाफोर जानो सानो
लैथोमा फारसे नायहरोब्ला लैथोनि अन्थाइ जानो सानो

हाजोखौ आज्लंना नायहरोब्ला
हाजोनि थिखिनिनि बंफां जानो सानो
हा जाब्लासो हामगौमोन सानो आं
अख्रां नङा बार नङाबा अर एबा दै जायोब्ला हामगौमोन सानो आं

आह. गोसोबादि जेबो जाया बाहाय