ओंखाम Poem by Ronjoy Brahma

उरि गांफौफोरा एम्बुनि खौगायाव
बारसन फैनायबादि
सोर्गोनिफ्राइ बिरबोआ ओंखामनि मोदोमनाय
ओखामा जोंनि उदैनिफ्राइ खारखोमाबाय थायो

ओंखामनि थाखाय हालुवाफोरनि मेथाइआ
जोमैखौ आवथियो माखन दिहुननाय बादि
अन्थाइनि फेन्दाखौ थुब्ला बोखावो आरो
आफा थालाखौ दिन्दां खालामना दैसा बोहैहोयो

बेनि सिगां हालुवायादि
बेसेबां नांलायो गावनि बिसिजों- फिसाजों
नांगोल गंसे दब्लायसे हानि थाखाय
बेसेबांदि बिखायाव खालांखार बाजायो

जोंनि उदैयाव ओंखामा आवलिलांबाय थायो
आरो जों नांलाय-खमलाय जायो ओंखामनि थाखाय
गले गले जोंनि उदैयाव उखैनाया
गिदिंना फैफिनबाय थायो जों जेसेबांखि फेजेना

बुहुमा ओंखामनि हाजोआव गोदो जोदो उनदुलाङोब्ला
मानसिनि उखैनाया अन्थाइनि महर लायो
मानसिनि दुखुआ बिबार जानानै
जोंनि गुस्थिखौ खुसेर फैनाय नङा