जारौ जोँमा Poem by Ronjoy Brahma

1.
अ जोँमा
नोँ फैबायानो?
मिथि थाराखै ना आं
गोदो एमावनो दंमोन ।
उसुंनि सेराव दाउसिनफ्रा
रिँहोफैयो
आरो
नोँनि मिनिस्लु
मिनिखैरोनाया?
आंनि हान्थिनाय
लजिँनि देरा खोरखिजोँ
गोरबो मेगनाव मोनफैयो ।
अ जोँमा नोँ फैबायानो
रथ' सिखारबाय आंबो
ओलैस्रो एमनिफ्राय ।
दिनैलाय जारौ
मा एसे समायना
थासारिया ।?
रंजाखांदोँ
अ नोँनो लाबोफादोँ
बिदिब्ला
अ नोँनो लिँबोफादोँ
नङाना
साखाथि फाखाथि
गुसु बारजोँ लोगोसे
जोँब्लाव मिनिनानै ।
2.
बिबारफ्रालाय गावखौ
देलायस्रांदोँ
लोगोआव बरायदोँ
सिखिरिफोरखौ
आय' आं गोमोदोँ!
दाउसिनफ्रा मानिबा रंजानाय
हनै जोँमा....
बाज्ल' बाज्ल'
मोसाथारदोँ बिफां दालाइयाव ।
बिबारफ्रा बिलायदोँ देलायफ्रु
मोदोमनाय बिफां फोरनो
आरो दाउसिन
सिखिरिमोननो ।
अ जारौ नोँ होफैदोँ ने?
आंबो मानोबा नायगोमा
गोमोहाब नायना थादोँ ।
मिथिँगाया...
गोजोन होनो
आरो
दंबावो थफिनाय बिबारफ्रा
महर रानि जानो गेवलाङै,
हाबिला जादोँ
नोँनि मोखांजोँ गल'
जानांगौ जारौ मिजिँ खालामदोँ ।

3/8/2014
लजिँ