जेरैखि नायहरा थोबसे अखाफोर Poem by Ronjoy Brahma
जेरैखि नायहरा थोबसे अखाफोर
अखाफोर अखाफोर
आगैजोँ गेलेनि फै
नोँ फैयाबोला थालिर थायसे हर
दाबो गोसोआव फैयो सोफै सोफै
औवा खामजोँ थुरि ओलाबनाय
उखुम गिजिजोँ नुहरो अखाफोर
आबै-आबौनि गोथै हाखरनिफ्राइ
थं गसंना नुहरो अखाफोर
नै अखाफोर
दिनैबो नोँ नोँबादिनो दं
थैलाय-उजिलाय सान्नो गैलिया
आं नाथाय गोबां सोलायबाय
आगोलनिबा नंलिया आं
आफाया गोजौ गाहाय समान खालामग्रा
आबाद फोथारनि मै जांख्लाजोँ
नारानाथा गाखोनो नाजायो आं
This poem has not been translated into any other language yet.
I would like to translate this poem
Delivering Poems Around The World
Poems are the property of their respective owners. All information has been reproduced here for educational and informational purposes to benefit site visitors, and is provided at no charge...
4/26/2024 6:06:05 AM # 1.0.0.1119
