दिनैनि सानरेबाव Poem by Ronjoy Brahma

दिनैनि सानरेबाव

उन्दुनाय जायाखिसै गोबावै
समा बाबेनबाय माब्लाबानो
खर' सिन्दाङै सिखारबाय,
सिमांङा दिनै मोजां नङा
जिरायना थाबाय आं मासियाव ।
लोरबांथिया साग्लोबो आंखौ
होखारनो नाजायो खन्थाइजोँ
सुजुबाय जाहोनाव खन्थाइ,
अब्लाबो होखारनो हादिया ।
लोरबां देहायै एमाव आरोबाव
समा बाग्लायथारबाय
देहाया मानोबा बोराबनाय
समनि आदारखौ जाबाय आं गोजोनै
नंगौ होखारबाय लोरबां देहाखौ ।
खन्थाइया आंनि जिउ
बेनि ओँथि बेसे गोथौ
मिथिगौ मिथिगौ आं बेखौ ।
नाथाय आं बबा
गेदेमाया बुंनाय मोन्दांथिखौ
रोखा गोसोआव दं आंहा ।
फ्रि फ्रि अखा हादोँ
देहाया आंहा गगायाव
थेवबो बायजोआव ओँखारो ।
सानस्रिया साग्लोबो गोरबोखौ
हां मोना जायो सोलेरा
नाजायो आं होखारनो
सुजु सुजु खन्थाइ ।
गोजोननाय नायगिरो आं
मिथिस्लाब मोना जिउआ
साननि सोराङा गोमोरलाङो
दाउसा मोख्रेबा मेसेबो
गोरबोआव मानोबा मेँग्लिनाय फैयो
एमाव गोदो उन्दुयो आं ।

Sunday, September 21, 2014
Topic(s) of this poem: POEM
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success