खाफाल बुंफबनाय Poem by Ronjoy Brahma

दाहाजोँ सुजु सुजु
माला गान्नानै-
मिनिनायनि गोजाम आबहावायाव
दुखुनि अनजिमा गैयै बाख्रिनि
-
थिँ थिँ सान्दुं दुङोब्ला
एबा ज्राम ज्राम अखा
गोसोआव बार बारबोलानो
रंजासै आं गोरबोजोँ-
-
बेनो बेनो जोनोमा
जिउ बुंजासे लुबैनाय
गोसोखौ हमथायो अब्लाबो
दाहा दाहा होन्नानै-
-
नाथाय
हार्सिँङै आं नोँनि लामायाव
हगारदोँ नावखौ-
दोहौ दाहार लैथोआव
-
आर'ज गाबो बेखायनो
रजे मोजां मोन्नाय
गोबाफै नोँनि गोसोबादि
हां सरथेना फोजाना-
नोँनि गोसोबादि जिउ मोनसे।