अटेक खालाम जानाय मासे दाउथु Poem by Ronjoy Brahma

बियो गोबां जोमै बारलांनानै गोबां जोमै फेजेनबावो
बे समाव गोबां मेगन गोसा दाउफोर फैनानै बिखौ गाग्लोब फैबाय
बिनि गांखंआव हमनानै बोबाय जेन'बा गांखंआ बायनानै जेननायखौ मानियो
इनाय जोबोद इनाय होननानै होख्रावो दाउथुआ बेसेरा

सासे गथ' उन्दुलांदोंमोन बिनि दुंबुर गांखंआव
बियो गोबाना लादोंमोन अखा नांसि सानदुं खामसि
गथ'आ बादालि फिसाबादि बिमानि आबुआव अरथाबनानै
उनदु उनदु उदै सुफुदोंमोन सानखि हर बिदिन्था मोनफ्रोम

गथ'आ सिरि मोनो आरो खुद्रिखाङो इनायनि साआव
दाउ खुंखुद बादि बियो जिउनि बाथ्राखौ नंगुबैयै बुङो
बियो आबै-आबौ आरो बिसोरनि नांगोलनि सल' बुङो
आबै-आबौनि खहाय मोनामनाय आंनि गन्थंआव दाबो दं होनना बुङो

अटेक खालाम जानाय मासे दाउथुआ आरोबाव बिरो
गावनि गथ'खौ बिखाआव लानानै मोनहैगोनखि मोनहैया
इसान सालिआव जनानै बिनि गांखं फोरानायखौनो सोमस्रिमोनहा गल' नेयो
खुसिनि आगर एरखांनो बयनिबो साबसिन आरो गोदानसिन