हाबाब आंनि गोदौग्लाबदोँ दिनै
गोरबोआव खुसिया फेँफोना जादोँ,
नाथाय मिथिनाय गैया ओँथिखौ,
बावैसो बिखा ख्लाब जालांनाय सानफोरा
दिनै हरखाब गोमालांथारबाय,
बावैसो बेरखांनाय, आनजादनि देरहासादनाय
बेखौ लानानै आं रंजादोँ
आं मिनिदोँ;
नाथाय मानो?
नङा नङा
आनजादआव उथ्रिनो हानायानो
आंनि रोँनाय नङा,
आरो
बेयो आंनि गोग्गाथाव देरहासादनायबो नङा;
गुबुननो दिन्थिनो हानाय,
रोङैखौ फोरोँनो हानायासो
आंनि रोँनाय आरो सिनायथि।
This poem has not been translated into any other language yet.
I would like to translate this poem