दाफै सना दा खारसन फै
आंनि उन्दुहाबनाय नैबे फुंआव
खोरखि दर्जा एब्रेनानै।
हुरागासे सानो-
फै, फै सना जारौ मोखाङै
देलायलाय खारसन फै नैबे खोमसियाव।
अखाफोर थैहाबनाय खोमसियाव
नोँखौ हास्थायो जारौ,
जाथावै नंथारै आर'जजोँ।
दोमैलु अखा सिरिनाय समाव
नोँखौ बरायो सना
आखाय खबजब हान्थु खरायनानै।
एखमबा खुद्रियो आं-
नोँदि आंखौ एसेबां जंखायो
मिनिहालाला मिनियो नोङो
रागायाव आंखौ दुंखाव होयो।
नोँ फै जारौ खारसन फै
हरा सोराङा सोराङा खोमसियाव
एबा अखा दामब्राखौ फेजेन्नानै।
नोँ फै सना देलायलाय
जारौ सना मिनिसुलुलु
गेवलां बिबार बारहोफै बारियाव
थेन्थनाय मिथिँगाखौ हुस्रांफै।
बिखायाव दाहाया खामथाबब्ला
मेगनाव मैखिया रानथाबब्ला
नोँ फै जारौ सना हुगारफै
सिरिसे दै लाना सुस्रांफै।
This poem has not been translated into any other language yet.
I would like to translate this poem