आय' मिथिया आंदि मुलुगाव
सोरखौ नागिरनानै नुजाफैखो दिनै
सुबुंनि सायना सालियाव
सोरखौ नागिरनानै नुजाफैखो दिनै
-
मिथिया आंनो हमदांनायजोँ
मानि भावथिना दिन्थिनो नुजाफैदोँ
मेगन मोदै बोहैलु रंजानायजोँ
सेरफाखायना सोरखौ आरो नागिरदोँ
-
समायना सोरबा अनजालिखौ
ना अनजाथाव जिउआरिखौ
आनजाद जानोसै दिनै बिनिबो
सोलोँनाय जाबाय बिनिबो
-
मिजिँआ सोरखौ नागिरनानै आय'
बाथि लानानै नागिरदोँ दिनै
ग' आरो गगलिँग' आय'
खोमसियाव दांग्रोम दांग्रोमनानै
-
दुखुनि देँखो सेर्जा हुनाय
सोरनि सोरनि जाखो मिथिया आं
बेसेबा गेवलां बिबारनि बारनाय
मोनामसुनाय जाबाय दिनै आं
-
दुखु दाहा आंनि जिउआव
रिँखाङो गले गले अनजिमा गैयैयाव
गोजावनाय नामा माया संसारनि
मिथिया आंलाय बोहैनाय खुसिनि
20/12/2011
This poem has not been translated into any other language yet.
I would like to translate this poem