गोरबो इसिँनिफ्राइ- 133 Poem by Ronjoy Brahma

आंनि लुबैनायखौ सावफ्लेनानै
नै गिरि फोजोबफैदो नोङो
थाबावलिया आरो बे लुबैनाया
-
बिरथिँबायनाय गोसोनि नंखायखौ
फबफैदो नै गिरि नोङो बेखौ
थाबावलिया आरो बे गोसोआ
-
आंखौ लादो नोङो गसाइ
नोँनि आंखौ खालामनानै सिं
गाख्लायनानै नैबे मुलुगाव
-
नै लोगो लादो नोङो
नोँनि आंखौ सेर सेर
फोरोँदो मोजां नोङो आंखौ
आंनि गोरोन्थिमानिखौ सिफायनानै
-
आंनि हाद्रियाव बिरनाय गोसो
हाब्रुआव थब्ल'नाय गोरबोखौ
नै लोगो नोङो बोखांदो
नैबे फोथारावनो आंखौ गोबाफैदो
-
सोमखोर नैबे रंजानाय मुलुगाव
नोङो आंखौ लोगोआव गोबादो
नै गिरि आंनि हांआव
नोङो आंनि थैआव
थादो अरायबो अरायसम
-
नोँखौ लोगोआव नागिरनानै
नै दिनै गसंदोँ नैबे फोथाराव
जेराव गैया रावबो सान्दुंआव
आंखौ नुनानै खेबसे
नै लोगो नोङो फैदो दिनै
-
देलायनाय गैयै मोखांआव
साजायनाय गैयै सोलेरखौ
नै लोगो नोङो सिनायफैदो
आंखौ गोबाफैदो फैदो नोङो
-
बे आंनि बानाय नेनायखौ
नोङो बारजोँ लांदो गसाइ
नैबे आंनि दुंहाव गोलोमनायखौ
नोङो बारजोँ लांखारदो
नोँ फैदो फैदो लोगो
नै दिनै गसंदोँ नैबे फोथाराव।
-
05/10/2015
बंङाइगाव।कलेजनि फोथार