गोरबो इसिँनिफ्राइ- 134 Poem by Ronjoy Brahma

दिनै जोमैबादि गोसोनि दाखासे दुखुखौ
नै फैदो नोङो बुखारगारदो
आंनि बे मायानि गाबनायखौ
फोजावफैदो फोजावफैदो बाराव
फै फैथारदो दिनै नोङो
-
नोँखौ हांख्रायो नैबे सानाव
गोबाफै आंखौ गोबाफै नोङो
आंखौ गावनि लोगो खालामना लाफैदो
नै दिनै फैदो नोङो बिफा
-
थिँ थिँ सान्दुं दुंनायाव
फै बिफां सायायाव नोङो
लासै लासै आंनि आगानाव
फै लोगो नोङो दिनै
बाथ्रा सावरायनो नोङो फै
फैदो फैदो नोङो दिनै
-
आंनि सोरांआव बाहादुरिखौ
फै नोङो गसाइ सावस्रेमफैथारदो
आंनि बे अलसिया उन्दुनायखौ
फै नोङो गलि होफैगारदो
फैदो लोगो नोङो फैदो दिनै
-
नोँखौ गले गले हांख्रायो लोगो
गावनि सेराव हांख्रायथारो
फैदो दिनै नैबे लामायाव
-
नोँखौ खुलुमो नै गसाइ
नोङो आंनि खाफालाव बिलिरो
नै गसाइ आरोबाव खेबसे
दिनै होदो आगदा आखायखौ नोँनि
आंनि खाफालाव गसाइ खेबसे
-
नै गिरि लामायाव
नोँ फै मिनिसुलु मिनिनानै
अनजाथाव जानानै दिनै
नै बिफा नोँखौ नेयो लामायाव
-
फैदो नोङो फैदो गिरि
आंखौ लोगोआव लाफाथारदो
समायना बे आं नुनायाव
नै सना फैदो नोङो फैदो
आंनि जिउआव मेगनाव नायनानै
-
नै गिरि फैदो फैदो दिनै
जोमैबादि गोसोनि दाखासे दुखुखौ
नै फैदो नोङो बुखारगारदो
दिनै फै सना नोङो
बाथ्रा सावरायनो नोङो फै
फैदो फैदो नोङो फैदो।
-
06/10/2015
बंङाइगामि।लामायाव