गोरबो इसिँनिफ्राइ- 162 Poem by Ronjoy Brahma

आख'-फाख' नोँनि लाजिनायाव
आं माबा बुंहां बुंहां रजे
नोङो आंखौ रायदावहां रायदावहां
रावबो गैयै लामायाव
-
खोलो खोलो बारा बिलिरो
सिरि सिरि बिलाइ मोसायो
सुदेम गोजोन गोजोन
नोँ मिनिसुलु मिनियो रजे
-
आं उसु-खुथु
नोँ उसु-खुथु जेरै
बे समाव गोरबोनि
रजे माबा बुंहां बुंहां
-
दाउसिना नायखोमा हरो
बैग्रि दालाइआव थानानै
दाउस्रि जराया मिनिहरो
फिउ फिउ मुसुरनानै
-
नोँ आं रजे
गोदो गोदो राव गोमायो
नोँ आरो आंखौ
अख्रां मिथिँगाया गोमोयो
-
नोँनि मोजां मोन्नायाव
आंनि गोरबोनि गोजोमनाय
नोँनि गोबानायाव
आंनि आंनि खुसि एब्रेनाय
मिथिबाय मिथिबाय आङो।
-
05/12/2015
लजिँआव