गोरबो इसिँनिफ्राइ -21 Poem by Ronjoy Brahma

गोसोनि रंजानायजोँ जेब्ला आं थाबायग्लाङो
बारलांङो आं बै लंखाखौ
गोसोनि गोजोननायजोँ जेब्ला
मानखोलाङो एभाहेष्टनि थिखिनियाव
गिख्रंथाव बुहुमाव फैफिननो
गोसो जाया
-
सिमाङाव बेसेदि आय'
गोसो-गोरबोआ खालामो
थांलाय-फैलाय
आनज्रायलाङो मोकथां मुलुगखौ
गोजानफुरि बारलांना
-
मिथिमोना आय' गोमोथाव
होखोमानाय नोँनि सोर्गो
सेरेगा
-
जिउ आंखौ दैदेन
आं नोँखौ खुलुमगोन
सना जाना जोँबाय था
लोगो आं जोथोन लागोन
नै गसाइ नोँ गोहोखौल' हो
-
रंजायो गसाइ नोँनि सेरावनो
लोगो नोङो आंजोँ रंजायो
जिरि जिरि बोहैनाय निजोरा
सना जोँ गेलेयो अरायबो
-
लोगो आंनि थाबायनायखौ हो
नोँनि गोजोँ सोरांजोँनो
रजे नोँनो आंखौ गोबा
आं अराय गोसो खांगोन
-
बेयावनो गसाइ बेयावनोथार
नोँ आंनो होदो हाबाखौ
नोङो आंनि हाबाखौनो नायदो
लोगो नोँनि मददखौनो आंनो नांगौ
जिउ नोङो सोरां जाना होदो।