Fonofono Poem by Kalimo Abednigo Pitso

EA LLA NTHO EA MAKHOA KA TS'OHA
EA LLA EA NTHONKHA MAQEBA A FOLILE
EA LLA EA MPOLELLA TSE BOHLOKO
KE FONOFONO NTHO EA MAKHOOA.

KE TSIBISOA KA LEFU LA MOHOLOANE NEO
MOHOLOANE U SE A ILE BOEA BATHO
U SE A TLA BEHOA KA MOQEBELO
PELO EA UBA-UBA LE HO BALA-BALA.

TSEO TSOHKE KE LI UTLOA KE LE GAUTENG
FONOFONO NTHO ENA EA MAKHOOA
HA ENA MAKUNUTU NTHO ENA
E O TSIBISA TSE BOHLOKO LE TSE MONATE.

E LELEME LE MONATE NTHO ENA
E KEKOLILO LE MONATE NTHOA MAKHOOA
EMPA MOLAETSA OA EONA O BOHLOKO
A LI ETSA KA MEFUTA-FUTA MAKHOOA.

FONO E JOALO NGOANESO
E TLISA TSE BOHLOKO LE TSE MATHEMALOLI
E THABISA LE HO NYOTOBETSA PELO EA MOTHO
'NA FONOFONO KEA E NENA.

A QAPILE MAKHOOA
FONOFONO 'MAKA LITABA
E SE E QABANTSE MONNA LE MOSALI
OEE! E LELEME NTHO ENA.

A QAPILE MAKHOOA
A QAPILE NTHO E RAHILOENG SEFUBENG SA TONKI
NTHO E QHALANG KHOTSO NTLE HO MABAKA
E BOELE E BOPE KHOTSO.

FONOFONO KE MAHLOPHA A SENYA NGOANA NTATE
E SE E NQABANTSE LE MOSALI
KAJENO KE HLOKA MOSALI KA BAKA LA NTHO ENA
FONOFONO E QALILE LA KA LELAPA.

HA E LE MAKUNUTU FONOFONO HA E NA OONA
HO THOE TS'EPO O SE A NYETSE
TSEO TSOHKE KE LI UTLOA KE LE GAUTENG
KA BOSOSELA KA HLABA NQEKE KE THABO

*********