Tsamaea moholoane, tsamaea
Ke neng u kula ngoana ntate
Ke neng re seka meokho ke ho talima
Ha u tsamaea re tla sala le mang?
Tsamaea moholoane, tsamaea
Le ha maobane o bitsitsoe sekulane
Bona lebitla ke lena le u emetse
Ha u tsamaea re tla sala le mang?
Tsamaea moholoane, tsamaea
Maobane re ne re u talimile u haula
Kajeno re epa lebitla ho u epela
Ha u tsamaea re tla sala le mang?
Tsamaea moholoane, tsamaea
Seboko sa hao sea haula ngoana batho
Kajeno u kutsi, itsamaele
Ha u tsamaea re tla sala le mang?
Tsamaea ngoana ntate, tsamaea
Bophelo ke ntoa ha bo hloloe
Lebala bophelo ba maobane ngoana 'm'e
Ha u tsamaea re tla sala le mang?
Maobane re ne re bina makolilo
Kajeno re bina koli-a-malla, ra shoelella
Thabo ea maoba e felile, itsamaele
Ha u tsamaea re tla sala le mang?
Tsamaea ngoana'batho, itsamaele
Ntoa e re hlotse ngoaneso, u iponetse
Kajeno ho utloahetse itsamaele
Mosotho o re fika le uele lapeng leso
Ha u tsamaea u hle u itsamaele
This poem has not been translated into any other language yet.
I would like to translate this poem