SHOETSOE EA LITHOTA SEKHABISA NAHA
PALESA E NTLE EA NAHA SE APARA LITHOTA
KHAREBE EA MAZULU, KHOSATSANA EA BASIEA
SENTEBALE O MOTLE SA LITS'OMONG KHAREBE
O BOTS'OANA SA TLHAKU EA TEKOANE, SEMOMOTELA.
MORATUOA O MOTLE EKARE U NALELI E TOLOKILE
NGOANA A UBUSA LE LIOELO TSA MARENA
U ROABATSA LIKOANKOETLA KA TH'OKO HO MESAMO
MONNA O QHOELOA KE MANTSOE A SA U NAHANA
KHELEKE KE FELLOA KE MANTSOE KE BOTLE.
KE KHAHLILOE KE THOPE
KE RATILE SETSOA KA MAKHALO
'M'E 'NYALISE LINDIWE KEA MO SHOELA
KE RATILE MOROETSANA OA GERMISTON LICHABENG
BANANA BA LESOTHO BA EA 'NYONYA.
LINDIWE, MORATUOA O KOLISA PELO EA KABELOA-MANONG
MOHALE KE ITOMAKA MALEME KE SA U NAHANA
PELO E MPHETOTSE LETLAILA
LERATO LE NKETSA SEMUMU
MALI A HANA METHAPO A BONA LINDIWE.
KHAREBE EA HO TIISA LELAPA LA TSIENG
O SOTSE SA KHOELI E TOLOKILE 'MESA
O MOTKE SA PHOPHI EA LEBESE MORATUOA
U THEMPELESI LESIKA LA MARENA
U NKETSA LETLAILA LE HOJA KE LE KHELEKE.
LIKHOMO TSA NTATE TSA TSAMAEA
LINDIWE EA E-BA MOHOPE UA METSI LAPENG LA NTATE
MABALA A FIELOA LEIFO LA KUNKELA
LEFITORI LA APAROA KE LINDIWE MORATUOA
MORATUOA, MORATUOA, MORATUOA!
***********
This poem has not been translated into any other language yet.
I would like to translate this poem