Mera desh jal rahaa hai
Majhab ke chulhe me
Nafrat ki aanch hai
Rasoiya apni ummiden
bade pyaar se Tal rahaa hai
Mera desh jal rahaa hai
Wadon kaa diwaanaa pan
Kale ghanghor ghan
Saavan ko chhal rahaa hai
Tan-badan jal rahaa hai
Mera desh jal rahaa hai
Wo saath chal rahaa hai
Seene ko dal raha hai
Saanso ki garmiyon se
ehsaas pighal rahaa hai
Mera desh jal rahaa hai
Hai khet saare banjar
Sabne ise charaa hai
Hai pet khaali inkaa
Ab tak nahi bhara hai
Kya aql fir gai hai
Bheja khisak gaya hai
Kya khane me jahr de dun
Bachchaa jo ro rahaa hai
Mera desh jal rahaa hai
Chunaav aa raha hai
Ghar ko jala raha hai
Har koi chhal raha hai
Hantho ko mal raha hai
Mera desh jal rahaa hai
So true! Silently the fire is going to engulf us.Good thought.
This poem has not been translated into any other language yet.
I would like to translate this poem
nice lines {Hai khet saare banjar Sabne ise charaa hai Hai pet khaali inkaa Ab tak nahi bhara hai }