skender iljaz braka

Rookie - 185 Points (15.12.1954 / Durres)

Nën Ngashërim Të Shpirtit Do T.Më Gjesh - Poem by skender iljaz braka

Nën ngashërim të shpirtit do t'më gjesh.


Ngado, me një tufë ëndërrash në sy, të kërkova.
I njoma ditë-netët me njolla lotësh.
Me shkopin e lypsarit pas kreshtash të ndoqa.
Vaheve lumenjësh ku parfumojnë ujërat e briskëta.

Më tundonte vështrim i largët i së ardhmes
Dridhej nëpër flakë si të ish një re e dëndur.
S'di ç'më ndante, tek vetvetja ç'më bashkonte.
Të ndiqja pa u lodhur, si të isha rob i çmëndur.

Kurrë se shova për ty shpresën.
Atë, që thellë shpirtit më gjëmonte.
Dheu s'do më treste pa të puthur.
S'ndihesha as i gjallë e as i vdekur

Mbase flije luadhit të shpirtërave të përjetshëm.
Me flakë të padukshme duke më djegur.
Thirrur prej kujtimesh, butësisht më vije pranë.
E po aty, si shënjtore, me një brerore drite ikje vjedhur.

Nuk dua t'më besosh se nëpër botëra të panjohura.
I lodhur, i uritur, nën qiell të hapur unë kam fjetur.
Fatin me k'ta thonjë kam gërrvishtur, kam çjerrur.
Me zemrën e përgjakur duarsh, arratisur, i përndjekur.

Pa zjarr më mbeti shpirti, pa një grusht hi.
E prap kam besuar se shkëmbin loti thyen.
Se tek ty do të vyshket porsi gjethi zëmërimi.
Nën ngashërim do t'më gjesh e mekur, e zhgënjyer.


Comments about Nën Ngashërim Të Shpirtit Do T.Më Gjesh by skender iljaz braka

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Thursday, July 3, 2014



[Hata Bildir]