ममबाथि बादि फोरोँगिरि
सोरां गोगो
नोङो फोरोँगिरिल' नङा
नोङो जोँनि गोथार लोगो
-
फोजोङो आलारि
बिबार होनानै
नोँजोँ सुखां जानाय जोँ आलारि
-
जेबो होनो हालिया
आरोबाव बिबार होनानै
गोरबोखौ होयो
गोथार गोसोयै खुलुमो
-
गोसो गुदुं मान होयो
(गेदेमाखौ गोथारै सिबिनांगौ)
जायखौ नोँनो फोरोँदोँमोन
-
जोँनि लोगो नोङो
सुखु-दुखुनि
साननि सान नोङो
हाथर्खि हरनि
फुंनि अलंबार नोङो
मोनफ्रोम दाननि रैरुब अखाफोर
-
दिनै नोँखौ गोजोन होनो
मेथाइ खनो जोँ लोगो
खन्थाइ आवरायो जोँ फोरोँगिरि
दिनै नोँखौ मिनिस्लु होनो
दिनै नोँखौ बरायनो
समायना-रमायना मोसायो जोँ गेदेमा
-
आंगोनि नोँ फोरोँगिरि
सानसुमै सान्थौगिरि
मददगिरि नोँ लोगो
सोँनाय आरो फिन्नाय होनो
-
थुलुंगानिगिरि बोसोनथिगिरि
दैबायगिरि राहानिगिरि
मोजां सोलोँथाइनि लामा दिन्थिगिरि
-
नोँखौ जोँ गोसो खुसि रंजा होयो
लोगो लोगो मोसा होयो
रंजाथाव फोरोँगिरि सान दिनै
रैसुमै देँखो बोहैयो गोदै।
This poem has not been translated into any other language yet.
I would like to translate this poem