थं गसंना आं नायगोमोदोँ
बिसोरनि थाबायदिँनाय
फाख्रा-सिख्रा मोसा बिगुरनि खसाबखौ
-
मेगनजोँ मेगन सौग्रावलायदोँ
नायनो मोजां सिख्लाफोरनि
ख्लाब-ख्लिब फेसा मेगनफोरजोँ
-
उन उन थांफादोँ गोसोआ
होँगो-दोँगो ससेयाव आन्दायहैदोँ
फिन सोरबा सासेनि उन उन थांबावदोँ
-
जायखौ समायना नुदोँ
बेखौनो बोदोर जादोँ मोननो
थांलाय-फैलाय बिसोरखौनो लामानायदोँ
-
सोनाबनि बारा बिसोरनि
समायना खानायखौ बिलिर फिसा
हाद्रि फोनांदोँ
अनजालिनि गान्नायखौबो महर सोलायहोयो
-
बिजिरनो सम गैया बे समाव
नायनो समायना नुदोँ
नायबाय थानायानो हामदोँ
नाथाय नायनो समायना महरखौबो
दाउखा सिगुना खेबलाब फैयो
बिसोरनि मोखांखौ दाखोन खालामो
-
बेवहायनो दुखु आं
कातिकनि जेवारिया मानोबा स्रोब गोमोरो
आवमा-एम्फौफोरा बाफबफैयो
-
मोनाबिलि मोनाबिलि बनदोमाव
बिसोरो गोग्लैहैदोँ
बिसोरनि महर मोखां गासैबो
बनदादा जायो सोरांबानो
-
दाउस्रिफोरबादि दिजायनो हायाखै आं
दिखाराव हमथा हायै जायो अब्लाबो
गोसोजोँ गोसोनो बनजु बिफांआव बुस्रोद बायो।
This poem has not been translated into any other language yet.
I would like to translate this poem