जरायनाय Poem by Ronjoy Brahma

अखाफोरनो जाल्दाब बिबान होनानै
साना थाखोमाहैनायबादि
हाथर्खिनो गावनि बिबान होनानै
अलंबारा थाखोमा हैबाय
-
हाथर्खिनि सोरगिदिँ
आंनि गोसोआ गिदिँबायदोँ
गोलाव हां लायै लायै मेँनाय गैयै
-
मोखांआव बिलिर बिलिर
दा आं सान्दोँ-
इन्जुर आन्दोआव थाबोबाय
अनजालि आंनि फुंबिलि
-
नाथाय नैबे हरावबो
मेगनाव मोकथांआ फैयो
आंनि गोरबो साजोँ
जिउ निजोरा बोहैयो
-
सानखौ लोगो मोन्नायनि फुंआव
खेबसे आर'ज गाबनायबादि
दा आं अखाफोरनियाव बुङो-
-
सोरांसि सोरांसि दाउला गेसेरनाय सिगां
खेबसे अलंबारा ओँखारथोँ
सोरांनि आलारि जोँफिनथोँ
गोजोँसिन बयनिबो गोरबोआव।