रावबो गेजेन नङा Poem by Ronjoy Brahma

आंनि अरनाव सानथ्र हायै
दाउ दाउमा-दाउसा
जिबि जुनाद उन्दै गिदिर
एम्फौ गांफौनि अनजिमानिबो अनजिमा
सानथ्र हायै मेगनजोँबो नुजोबै
-
मैदेरा दुगा गावनि बोलोखौ लानानै
गावदि दहमैनो दंफांखौ बुखुयो
दाउसिन दाउलाफोरा दुगा
गावनि गांफोरखौ लानानै
नंखाय मासे मोस्रोमाबो दुगाबावसो
गावनि थाखोमानो हानाय गियान
फिसासा सोलेरखौ लानानै
-
सोर मा मा रोँगौ
सानसेखालि आं लिष्ट बानायदोँ
अब्ला बयबो फैदोँ
लैहोर लैहोर फालो फालो
-
गावदि गुदुं खुरनो रोँगौ
एन्जर नेवलायफोरा देखायदोँ
खिब्रमायाबो रोङै नङा
मार्बल बानायना देखायफैदो
बेरे जथा हान्दिलर बेरेमा
मोसौ बोरायखौ थामब्रे जोनानै
गावनि सिनायथिखौ होफैदोँ
-
गासैखौबो आनजाद नायबाय आं
सोर सोर गेजेन?
नाथाय रावबो गेजेन नङा
रायज्लायनो गोरोँ थिफुद्लाला
आंनो बुंनांदोँ
जोँ रावबो गेजेन नङा।