आंनि गगाबमाराखौ Poem by Ronjoy Brahma

बे मिनिग्लाबनाय देँखोआ
दिनैनि नंखाय रंजानायनि
लोगो हरनि मुगामानिखौ
नोङो बार बुयै बुयै बुखारलां
-
सुखुआ बेसाद न'नि
ना आंनि दुखुआ?
अर रोहो रोहो खाम
जिनिर मोनसेबो दादोन नंखायनि
-
सोरांनि रुबैयाव गोसोनि फाइलि
नाङा लोगो खोमसिनि सायखंआव
सनानि जिनजिरि
दै बाना लोब लोब फै
बेराम मोनसेखौ फोजाव लांफै
-
नोरजिया आथिँ
खंगा गोसोखौ
बुस्रोद बुस्रोद फिदिँदे
नै लोगो सोरांआव मेवथु नोङो
-
मोकथांनि सिमांबादि मिनिनायखौ
गावथारदो अखा खोरोमनायजोँ
लोगो थाबायनायाव फैदो रुगुं गैयैयाव।