गोदो गोदो सिरिमोनहां मोनहां
आं उन्दुनानैनो दंमोन
सिमांआबो आंखौ एंगार लांबायमोन
मैखि दाखा दाखा दाफबनानै
-
दुम दाम दुम दाम
नाथुमब्रि रुवाथिनि उवाल सौनाया
गुर्लुब गुर्लुब बाग्दाव होदोँमोन
बिनि उनावसो दाउज्लायाबो गेसेरदोँ
-
मेगन बिलिर बिलिर सिखारबा
गलियाव मोसौ हालुवाखौ नुलिया
रोमै रोमै खोनाफैयो
थेँगोना आलुरामनि नांगोल बुनाय
हैद गिदिँ गिदिँ दारमासिनि.....
-
फुंजानि फुंजानि दबं दैखराव
मिनि खुसि बाल्थिँनि बाज्रुमनाय
नुयो सिलायाव आयनि
ज्राव ज्राव दाखोर सिबगारनाय
-
मोखांआव हांगार नांलायनाय
आनावनि थौ साराय खिथु मानजिनाय
नै जाखांफैयो दिनै
सिमांनिबो सिमांनि स्टेजाव
-
हाबाब नायनो गोनां
स्रोब गोमोरलांबाय
अलंबारा गोमोरनायबादियै
खिबुआव सान्दुं नांनाय शहरनि
आरसिसि बिल्दिँआव।
This poem has not been translated into any other language yet.
I would like to translate this poem