बेयो दिवालीनि जिगेब्लाव नङा
बेयावनो गोमो गोथां बायदि गाब
गोमोरलाय फिन जोँखांफिनलाय
-
दाउसिन-दाउला जिबि-जुनार
जोमै अख्रांआबो सोमो नांनाय
दोमैलु दोमैलु बोथोरनि
बेयो आबिर गाबनि जायख्लं नङा
-
जारौ फुंनि गंसे जिलितबादि
थ्रोब हाबफैदोँ बिखायाव
बिनि मेसेबनाय गैयै गोफाद नोजोर
बेयाव दं गोरबो आवलिनाय
गुसु सुदेम जुलियेटनि हाबिलास
-
सना आं मोजां मोनबाय
नोँनि गोजोँ बोहैबोनाय
सुदेम अननाय निजोराखौ
बेयाव आं गोजोमगोन सना
बोहैबो नोङो आंनि हायेनाव।
This poem has not been translated into any other language yet.
I would like to translate this poem