गोदान बिबायारि Poem by Ronjoy Brahma

सानफा थोलो बिबायै बिबायै
बोथिसे ओँखामनि खरसाखौ मोनो
बिसोर गला दखान्दारनियाव
थाइसे थाइनै खनसायनानै
-
नाथाय बोथिसे मोनजाना
बोथिसेनि उखैनाय
बहा मोनबावनो साननांगौ जायो
बिसोर नायदावो थिन थाला बिल्दिँ
गोदोना मेँगुलायनाय रिउ रिउ
सिमां मोकथां नुनो मोनफेरै
-
बेयाव थखन थुखोनो हाया
मानबायै मानबायै गाखोनोबो
लोरला बिसोर उखैथारनाय
जल्दब जाल्दाब गोग्लैगारगोनबो
जाखोन्दा आग्लायनाय बहा गारहरनो?
अब्लाबो नायदावलाय नायख्लायलाय
बिसोरो नेना थायो लामायाव
-
गोदान बिबायारि सहरनि
सारोन बलदआ
बिसोरखौ दं दं सौनो होसोयो
नायगार नायगार गंजोँ सौथारनो
-
आय' होन्नांगोन बिबायारि
थांना थानो मिजिँ गोनांखायनो
दिनैबो बिसोर बिबायारि
थैनोखौ बिसोर थोर थोर गियो
नाथाय खारै खारै बिसोर
गरखायाव गब्रायो।