गुसु सुहाबनाय एम नागारनानै
लासै लासै खारदोँ आं
सहर मोनहैनाय लामाजोँ
खोलो खोलो बारनि गेजेरजोँ
-
दाउथुआ आंखौ नायहरो
साथ बाहायमोना जंखायलायो
लोगोहाय लोगो लोगो होन्ना
बिसोरो बागुरुम्बा मोसाबावो
-
गुसु निहोरनि ज'हाबनाय फोथारजोँ
आथिँ गासोम लाङो आं दुब्रिनि बिखाजोँ
लासै लासै खारलाङो
सिरि मोनै उन्दुहाबनाय सहरजोँ
-
जारौ साना ओँखारबोगौ
थाखोमा थाखोमा दंफां बिल्दिँ
गाखोयै गाखोयै समायनायै
दाउसिन मि जिबिनि बरायनायाव
-
आय' बयनिबो समायनासिन
मिलौदो मिलौदो नैबे फुंआ
दाउसिन दाउलानि रैसुमै रोजाबनाय
थमेन्नाय बिफांनि बिबारजोँ
थाजिम गोजोँ बिलाइनि देलायनायजोँ
-
नै फुं रजे
नोँखौ आं मैयानिफ्रायनो
उन्दुनो ओँखारै नेना दंमोन
नोँ फैबाय हामथारबाय सना
नोँखौ लोगो मोन्ना गोजोन्नाय मोनथारबाय।
This poem has not been translated into any other language yet.
I would like to translate this poem